მზადება პროცედურისთვის

ზვიად მათოშვილი. ზვიად მათოშვილი. ზვიად მათოშვილი

როგორ მოვემზადოთ აბლაციისთვის

აბლაცია არითმიების მკურნალობის ყველაზე ეფექტური მეთოდია. აბლაციისთვის მზადება შეიძლება იყოს განსხვავებული, იმის მიხედვით თუ რა სახის აბლაციისთვის ემზადებით.

მოციმციმე არითმიის აბლაციის წინ და შემდეგ აუცილებელია სისხლის „გამათხელებელი“ მედიკამენტების მართებული მიღება, ამის შესახებ დეტალურ ინფორმაციას ექიმისგან მიიღებთ. აბლაციამდე რამდენიმე საათით ან დღით ადრე კი საჭიროა საყლაპავშიდა ექოსკოპიის გაკეთება. შესაძლოა საჭირო გახდეს დამატებითი გამოკვლევებიც.

რაც შეეხება აბლაციისთვის ან ელექტროფიზიოლოგიური კვლევისთვის მზადების ზოგად წესებს:

• აბლაციამდე 6-8 საათი ნუ მიიღებთ საკვებს და სითხეს
• ექიმთან შეთანხმებით მცირე რაოდენობის წყლის მიღება დასაშვებია
• მიიღეთ შხაპი პროცედურის წინა საღამოს (ამცირებს ინფექციის რისკს)
• აბლაციის წინ შესაძლოა საჭირო იყოს ზოგიერთი მედიკამენტის შეწყვეტა (ეს საკითხი ექიმთან უნდა დაზუსტდეს)
• პროცედურის დღეს კლინიკაში მობრძანდით თქვენთვის კომფორტული ტანსაცმლით

როგორ მოვემზადოთ პეისმეიკერის, რესინქრონიზატორის, ან დეფიბრილატორის იმპლანტაციისთვის

ჩვენს კლინიკაში წლებია წარმატებით ხორციელდება პეისმეიკერების, რესინქრონიზატორების თუ დეფიბრილატორების იმპლანტაცია. იმპლანტაციისთვის მზადება ძირითადად გავს აბლაციისთვის მზადებას, თუმცა არსებობს გარკვეული განსხვავებებიც:

• იმპლანტაციამდე 6-8 საათი ნუ მიიღებთ საკვებს და სითხეს
• ექიმთან შეთანხმებით მცირე რაოდენობის წყლის მიღება დასაშვებია
• მიიღეთ შხაპი იმპლანტაციის წინა საღამოს (ამცირებს ჭრილობის ინფექციის რისკს)
• ნუ გაიპარსავთ სახლში საოპერაციო მიდამოს, ამან შეიძლება გაზარდოს ინფექციის რისკი. კლინიკაში მობრძანების შემდეგ, საოპერაციო მიდამოს ჩვენი ცენტრის პროფესიონალი მედდები მოამზადებენ
• იმპლანტაციამდე შესაძლოა საჭირო იყოს თქვენს მედიკამენტურ მკურნალობში გარკვეული ცვლილებების შეტანა, ეს საკითხი ექიმთან უნდა განიხილოთ
• იმპლანტაციამდე რამდენიმე დღით ან საათით ადრე საჭიროა სისხლის ანალიზების ჩაბარება

ექიმთან დამატებითი შეკითხვისთვის დარეკეთ: 555 502 301